له ایرانه زمونږ ملاتړ اصولي او له نړیوالو قوانینو سره سم دی
د پاکستان د پوځ ویاند جنرال احمد شریف چودري، ، له الجزیره خبری چینل سره په مرکې کې وویل: د ایران اسلامي جمهوریت زمونږ دوست، ورور او ګاونډی مسلمان هیواد دی چې له مونږ سره کلتوري ، اقتصادي ،سیاسی او دیني اړیکې لري.
پارس تودي - د پاکستان د پوځ ویاند په سیمې کې د کړکېچ د زیاتېدو په اوج کې د خپل هېواد د دفاعي وړتیاوو او ایټمي شتمنیو په بشپړ خوندیتوب په ټینګار سره وویل: د ایران اسلامي جمهوریت زمونږ دوست او ورور او ګاونډی هېواد دی او په وروستیو شخړو کې له ایران څخه زمونږ ملاتړ له اصولي پالیسۍ او د ملګرو ملتو د منشور او نړیوالو قوانینو په اساس ؤ او د غه ملاتړ ته د خپلو ملي ګټو او د ښه ګاونډيتوب په اساس دوام ورکوو.
د پاکستان د پوځ ویاند جنرال احمد شریف چودري، ، له الجزیره خبری چینل سره په مرکې کې وویل: د ایران اسلامي جمهوریت زمونږ دوست، ورور او ګاونډی مسلمان هیواد دی چې له مونږ سره کلتوري ، اقتصادي ،سیاسی او دیني اړیکې لري. د ایران پر ایټمي تاسیساتو او د روغتونونو او پارکونو په شمول په عامو ځایونو تیري هیڅکله هم د منلو وړ نه دي او او د یوه هیواد په پولو تیری او په تیره بیا پر ایټمی تاسیساتو چې د این پي ټي تړون او دایټمي انرژۍ د نړیوال آژانس ترڅارنې لاندې وي، په چورلټ ډول له نړیوالو قوانینو سرغړونه او د یوه خپلواکه هیواد پر مځکنئ بشپړتیا تیری دی .ټولو ته پکار ده چې د نورو د پولو احترام وکړي او تیریګر باید وغندل شي.
