د امریکا ولسمشر ټرامپ پاکستان ته د تلو هیڅ پروګرام نلري

زمونږ خبریال راپور راکړی د امریکا سپینې ماڼۍ پاکستان ته د ولسمشر ټرامپ د سفر په هکله په رسنیو کښې خپاره شوي خبرونه رد کړل.

سپینې ماڼۍ وویل چې د امریکا ولسمشر په اوس وخت کښې پاکستان ته د تلو هیڅ پروګرام نلري.

ځینو رسنیو پرون راپور ورکړی و چې د امریکا ولسمشر ټرامپ به د روان میلادي کال د سپتمبر د میاشتې په اتلسمه نیټه پاکستان ته ورشي او هلته به له سیاسي مشرانو او پوځي جنرالانو سره کتنې وکړي.

د پاکستان د خارجه وزارت د دفتر ویاند شفقت علي هم په دې اړه وویل چې زه اسلام اباد ته د امریکا د ولسمشر ټرامپ د سفر په هکله هیڅ اطلاع نلرم.