پاکستان: ایران په سیمه کښې د صلحې او ثبات مهم عامل دی

پارس ټوډی - د پاکستان د بهرنیو چارو د وزارت ویاند وویل: د ایران اسلامي جمهوریت زمونږ مهم ګاونډی او په سیمه کښې د صلحې او ثبات لپاره یو بنیادي عامل دی.

پارس ټوډی د ایرنا په حواله خبر ورکړی چې « شفقت علي خان» له خبریالانو سره په خپلې اونیزې غونډې کښې پاکستان ته د ایران د ولسمشر مسعود پزشکیان د وروستي سفر په هکله زیاته کړه: ایران او پاکستان په سوداګري، کلتوري، سرحدي او د ولسي اړیکو په برخو کښې ښې او بډایه اړیکې لري او دا د دواړو هیوادونو د تعاملاتو د ورورولۍ نښه ده.

د پاکستان د خارجه وزارت ویاند شفقت علي خان د غزې د خلکو خلاف د صهیونیسټي رژيم د تیري ګرۍ د سختیدو په هکله هم ټینګار وکړ چې د اسرائيلو خلاف د پاکستان دریځ بیخي اصولي او څرګند دی او اسلام آباد به هیڅکله اسرائیل په رسمیت ونه پیژني.