پاکستان او تاجیکستان له ترهګرۍ سره پر مبارزې خبرې کړې دي

د پاکستان د بهرنیو چارو وزارت ویلي چې پلاوي یې د تاجکستان په پلازمېنې دوشنبه کې د دغه هېواد له چارواکو سره خبرې کړې دي.

په دې ناسته کې پر دفاعي همکارۍ او افراط پالنې  سره پر مبارزې ټینګار شوی دی.

په دې ناسته کې د برېښنا کاسا ۱۰۰۰ پروژې په هکله چې له افغانستان څخه تېرېږي، هم خبرې شوې دي.

په بیانیه  کې راغلي چې په دې غونډه کې د سوداګریزو، سیاسي، زده‌کړو او کرنې برخو کې د همکارۍ پر پراختیا هم بحث شوی دی.

له دې وړاندې هم تاجکستان او پاکستان له افغانستان څخه د امنیتي ګواښونو په اړه اندېښنه ښودلې وه.

دواړو هېوادونو د پاکستاني طالبانو «ټي‌ټي‌پي» او انصارالله له حضوره اندېښنه څرګنده کړې ده.