طالبانو د سپتمبر د میاشتې له یولسمې نیټې خطرناک حالات رامینځته کړي
زمونږ خبریال راپور راکړی د پاکستان ولسمشر اصف علي زرداري د اسلام اباد په «ترلايي» سیمه کښې د شیعه مسلمانانو په جومات کښې د ترهګرې حملې په مناسبت له پاکستان سره د پیوستون د ښودلو لپاره د نړۍ د هیوادونو د مشرانو په مننې سره د ټروریزم پرضد په ګډې ارادې ټینګار وکړ.
هغه د افغانستان په حالاتو باندې د سختې اندیښنې په څرګندولو سره وویل چې د افغانستان طالبانو د دوه زره یولسم میلادي کال د سپتمبر د میاشتې د یولسمې نیټې له پړاو څخه زیات خطرناک حالات رامینځته کړي دي کوم چې د سپتمبر د یولسمې نیټې په شان یا له هغې څخه هم بدتره دي.
د پاکستان ولسمشر اصف علي زرداري وویل هغه وخت هم ترهګرې ډلې د نړیوال امنیت لپاره خطر جوړ شوی و او نتیجه یې د دوه زره یولسم میلادي د سپتمبر د میاشتې د یولسمې نیټې حملې وې.
هغه وویل د پاکستان ختیځ ګاونډی هیواد د افغانستان د طالبانو د رژيم په مرسته کولو سره د پاکستان په شمول نړیوال امنیت په خطر کښې اچوي.
اصف علي زرداري ویل زمونږ دریځ ډیر واضح دی چې هیڅ هیواد په یوازې ځان له ترهګرۍ سره مقابله نشي کولای.
