۲۰ ایراني سمندري کارکوونکي څو ساعته وړاندې خپل هېواد ته ستانه شول

په پاکستان کې د ایران سفیر ویلي چې د پاکستان د حکومت د انساني او همکارانه اقدام له امله هغه ۲۰ ایراني سمندري کارکوونکي خوشې شول چې د دوی د کښتۍ د نیول کېدو له امله په سنګاپور اوبو کې له ستونزمن حالت سره مخ وو.

هغه د پاکستان د لومړي وزیر، د بهرنیو چارو وزارت، د لومړي وزیر مرستیال او نورو اړوندو ادارو د هڅو مننه کړې ده.
دغه کارکوونکي له ډیپلوماتیکو هڅو وروسته له سنګاپور څخه اسلام‌اباد ته لېږدول شوي وو او څو ساعته وړاندې خپل هېواد ته ستانه شول.