په جنوبی وزیرستان کښې څلور پاکستانی ځواکونه مړه او ژوبل شول

د پاکستان په شمال لویدیځ کښې د بم چاودنې څلور امنیتی ځواکونو ته مرګ ژوبله اړولې ده.

زمونږ خبریال وائی دغه بم نن سهار د پاکستان د خیبرپښتونخوا صوبې د سویلی وزیرستان په زرمیلان سیمه کښې چاودیدلی دی.

د دغې چاودنې له امله یو امنیتی ځواک وژل شوی او درې نور زخمی شوی دی.

دغه بم هغه مهال وچاودید چې د پاکستان د امنیتی ځواکونو د ګزمې ګاډی له زرمیلان سیمې په تیریدو و.

د دې پیښې پړه لا چا نه ده منلې.