د وسله والو په لاس د پاکستان د دریو پولیسو وژله

د پاکستان درې تنه پولیس ځواکونه د ناپېژندل شویو وسله والو په ډزو سره ووژل شول.

زمونږ د خبریال د رپوټ مخې نن سهار د پاکستان د بلوچستان صوبې د کوئټې ښار په سریاب سیمه کښې ناپېژندل شویو وسله والو کسانو د پولیسو په ګشت باندې ډزې وکړې چې له امله یې درې پولیسو مړۀ شول

د رپوټ له مخې داعش تکفيري ترهه ګرې ډلې د دغې حملې ذمه واري په غاړه واخېسته.

له بلې خوا د پاکستان د بلوچستان صوبې وزيراعلی ثنا الله زهری د داعش ترهه ګرې ډلې دغه حمله په سختۍ سره وغندله.