پاکستان په افغانستان کې د داعش په پراختیا اندیښمن دی

د پاکستان خارجه وزارت په افغانستان کې د  داعش ترهه ګرې ډلې په شتون اندیښنه څرګنده کړه .

د ایرنا خبري اژانس د راپور له مخې د پاکستان د خارجه وزارت ویندویي نن په افغانستان کې د داعش په شتون او عملیاتو د اندیښڼې په څرګندولو سره وویل داعش د پاکستان او ټولې سیمې لپاره یو جدي خطر دی.

نفیس ذکریا زیاته کړه پاکستان او د سیمې نور هیوادونه  په افغانستان کې د سولې او ثبات د ستنولو لپاره هڅې کوي.

په افغانستان کې له داعشه د پاکستان د خارجه وزارت د اندیښنې څرګندول په داسې حال کې دي چې د کابل دولت  اسلام اباد د  ترهه ګرو ډلو په ملاتړ تورنوي خو پاکستان دغه تورونه ردوي.

داعش ډلې په دا وروستیو کې په افغانستان کې د یو شمیر ترهه ګرو حملو پړه په غاړه واخسته چې په سلګونو کسان پکې مړه او ژوبل شوې وو.