د پاکستان وزیراعظم نن سره له خپلې کورنۍ عربستان ته لاړ

دا په تیره یوه اونۍ کښې عربستان ته د پاکستان د وزیراعظم محمد نواز شریف دویم سفر دی.

نواز شریف تیره اونۍ د یو لورتبه سیاسي او پوځي پلاوي په مشرۍ د فارس خلیج سیمې د هیوادونو په اړیکو کښې د وروستیو بدلونونو په هکله له سعودي چارواکو سره د خبرواترو لپاره عربستان ته تللی و.

د پاکستان د وزیراعظمۍ سفر عربستان ته د نواز شریف د دې روان سفر هدف د روژې د میاشتې په وروستیو ورځو کښې یو زیارتي سفر اعلان کړی دی. خو پاکستاني چارواکي په داشان زیارتي سفرونو کښې هم د عربستان له باچا او نورو لوړرتبه چارواکو سره ځینې کتنې لري.