نواز شریف استعفا نه ورکوي

د پاکستان وزیراعظم د دغه هیواد د حکومت د مخالفو ګوندونو د دباو له امله استعفا نه ورکوي.

د پاکستان د پارلیمان مشر سردار ایاز صادق په لاهور کښې په یوه وینا کښې وویل: محمد نواز شریف د خلکو په رایو سره د وزیراعظمۍ لپاره غوره شوی دی او د هیچا په خوښه او غوښتنه به له خپلې څوکۍ استعفا ور نه کړي.

دا په داسې حال کښې ده چې د پاکستان تحریک انصاف د مشر په شمول مخالفو ګوندونو یوځل بیا د پاکستان د وزیراعظم په استعفا ورکولو ټینګار کړی دی.

عمران خان پرون په اسلام آباد کښې ویلي وو چې نواز شریف په مالي فساد کښې لاس لري او د هغه خلاف به د سترې محکمې راې ډیره زر صادره شي.