پاکستاني وزیر د هند ترکنټرول لاندې کشمیریانو ملاتړ اعلان کړ
د پاکستان د کورنیو چارو وزیر د هند ترکنټرول لاندې کشمیر له خلکو سره د خپل هیواد د حکومت په یوزړه توب او ملاتړ ټینګار وکړ.
احسن اقبال نن په یوه وینا کښې د هند ترکنټرول لاندې کشمیر له خلکو سره د پاکستان د حکومت په یوزړه توب او ملاتړ باندې په ټینګار سره وویل: د اسلام آباد حکومت د نړیوالو غوږونو ته د هند ترکنټرول لاندې کشمیر د خلکو د غږ رسول خپله دنده ګڼي او د دغې سیمې د خلکو له ملاتړه به لاس وانه خلي.
د پاکستان داخله وزیر چې نن د کشمیر په کنټرول لاین کښې د پرونۍ حملې د زخمیانو پوښتنې ته ورغلی و، همداشان وویل: د اسلام آباد حکومت د هغو ټولو کسانو په ملاتړ سره چې د هندي پوځ په پرونیو یواړخیزو ډزو کښې وژل شوي یا زخمي شوي دي او همداشان د وژل شویو کسانو له کورنیو سره خواخوږي څرګندوي.
د پاکستان د کورنیو چارو وزیر همداشان څرګنده کړه: د کشمیر په کنټرول لاین کښې پر بې دفاع ملکي وګړو د هند د پوځ حمله له هغو نه د نوي ډیلي د چارواکو د ویرې بیانونکې ده او دا په داسې حال کښې دي چې په وروستیو کلونو کښې د کشمیر پر خلکو د هند د پوځي ځواکونو او حکومت لخوا د ډیرو ظلمونو سره سره هغوي خپله مبارزه جاري ساتلې ده.
د ویلو ده چې پرون د کشمیر په کنټرول کرښه کښې د هندي ځواکونو په کړي برید کښې لږترلږه شپږ ملکیان وژل شوي او له دیرشو زیات زخمي شول.
له دغه برید وروسته اسلام آباد د هندوستان د سفیر په وربللو سره په دې لړ کښې د نوي ډیلي د سمدستي وضاحت غوښتنه وکړه.
