دکونړ مرستیال والی په پاکستان کې خوشی کړی شو

د افغانستان په ختیځ کې د کونړ  د والي مرستیال  چې په پاکستان کې برمته شو و  له دریو میاشتو وروسته خوشی شو.

 د تسنیم خبري اژانس د ننني راپور له مخې محمد نبي احمدي  چې کابو درې میاشتې مخکې په پيښور کې تښتول شوی و خوشی شوی دی.

ویل کیږي چې هغه له  خوشي کیدو وروسته ننګرهار ته رسیدلی دی.

 د ویلو ده  کابو درې میاشتې مخکې د دغه افغان دولتي مقام کورنۍ   په پیښور کې د افغانستان کونلسیټ ته دهغه د تښتول کیدو خبر ورکړ خو په دغه ښار کې امنیتي مقاماتو په دغه پیښې ناخبري څرګنده کړې وه.

په پیښور کې د افغانستان د کونسلر د مرستیال  په وینا  د کونړ د والي مرستیال  د علاج لپاره پیښور ته تللی و.

 له دې مخکې د ۱۳۹۴ کال په ورستیو کې د هرات پخوانی والي فضل الله واحدي هم په پاکستان کې تښتول شوی  چې له دوو اونیو وروسته خوشی شو.