پاکستان کښې د امریکې خلاف سترې مظاهرې وشوې

د پاکستان خلکو د اسلام آباد پر حکومت د امریکې د تورونو په غبرګون کښې مظاهرې وکړې.

زمونږ خبریال رپورټ راکړی چې د پاکستان د چمن سیمې زرګونو خلکو پرون، ترهګرو ته د پناه ورکولو په هکله د پاکستان پر حکومت د امریکې د تورونو په غبرګون کښې د مظاهرو په کولو سره د امریکې بیرغ وسوزوه.

پاکستاني مظاهره چیانو د امریکايي ضدو شعارونو په ورکولو سره وویل چې د پاکستان خلکو د امریکې مالي مرستو ته هیڅ ضرورت نه لري.

مظاهره چیانو همداشان وویل چې د امریکې ولسمشر ډونلډ ټرمپ د پاکستاني ولس د ګواښلو حق نه لري.