په بحیره عرب کې دپاکستان او سعودی عربستان سمندری مانوره روانه ده
له تیرو څو لسیزو راهسې دپاکستان اوسعودی عربستان حکومتونه سره ډیر نزدې شوی او دواړه خورا متحد هیوادونه حسابیږی .
ایرناخبری آژانس راپورورکړ دپاکستان خبری سرچینو نن په راپورونو کې وئیلی دی د دکراچۍ له بندری ښآر سره نزدې په بحیره عرب کې له پرون راهسې د سعودی عربستان او پاکستان دسمندری ځواکونو ګډه مانوره روانه ده .
دپاکستان دسمندری ځواک ویندوی د یوې اعلامیې په خپرولو سره وئیلی دی، دغه مانوره چې ټاکل شوې ده د فرورۍ تر شپاړسمې پورې دوام وکړی ، د پاکستان او عربستان دسمندری ځواکونو ترمینځ د حرفه وی وړتیاؤ دزیاتولو او د ترهه ګرۍ ضد عملیاتو د لازیاتو مهارتونو د ترلاسه کولو په موخې سره ترسره کیږی .
راپور ښئ له تیرو څو لسیزو راهسې دپاکستان اوسعودی عربستان حکومتونه سره ډیر نزدې شوی او دواړه خورا متحد هیوادونه حسابیږی .
د شهاب یو په نامه ګډپوځی عملیات هم په پاکستان کې تیر کال له ترهه ګرۍ سره دمبارزې دعملیاتو د اجرا په موخې سره ترسره شوی وو. له دې مخکې هم دپاکستان او سعودی عربستان دمځکنی ځواکونو د صمصام شپږ نومې ګډه پوځی مانوره هم سږ کال دتلې دمیاشتې په اوه ویشتمه نیټه پیل شوی او ترسره شوې ده . دغه راز د شهاب دوه په نامې سره د پاکستان او سعودی عربستان بله ګډه پوځی مانوره هم سږکال د لیندۍ دمیاشتې په دولسمه نیټه د سعودی عربستان دریاض په شاوخوا کې شوی ده .
سږکال د سلواغې دمیاشتې په دریمه نیټه د پآکستان د دفاعی تولیداتو له وزیر سره دسعودی عربستان د سمندری ځواک په لیدوکاتو کې هم د دوواړخیزو ملګرتیا ؤ په تیره بیا د کشتۍجوړونې د صنعت او دفاعی صنائعو په زیاتولو ټینګار شوی دی .
