دعمران خان دلوړې په دستورو کښې بهرنیان ګډون نه کوی

زمونږ خبریال وایی دپاکستان دتحریک انصاف مشر او دلومړی وزارت کاندید عمران خان د خپلې لوړې په مراسمو کښې د بهرنیو هیوادونو د شخیصتونو له ګډون سره مخالفت کړی دی او ویلی یې دې د لوړې مراسم به په ساده ډول وشی .

دپاکستان تحریک انصاف  دملی پارلمان یوسل پینځلس(۱۱۵) څوکۍ ګټلی دی او د خپلو ائتلافی ګوندونو او د خپلواکه کاندیدانو د ملاتړ له جلبولو وروسته اوس راتلونکی حکومت جوړوی او ددغه ګوند مشر عمران خان به د هیواد راتلونکی لومړی وزیر شی .

له اوږدې مودې راهسې دعمران خان دلومړی وزیر دجوړیدا د غوښتنې د پوره کیدا په هکله د جشن دلمانځلو لپاره تحریک انصاف مخکې فیصله کړی وه چې د هندوستان دلومړی وزیر ناریندرا مودی ، دهند دفیلمونو لوبغاړی عامر خان(Aamir Khan) او د کرکټ پخوانی مشهور لوبغاړی  کاپیل دیو(Kapil Dev) ، سنیل ګواسکر(Sunil Gawaskar) ، او ناوجوت سینګ سیدو(Navjot Singh Sidhu) د لوړې مراسمو ته وروبولی .

خو اوس  د تحریک انصاف دمشر عمران خان  اراده بدله شوی ده او د لوړې مراسم په ساده ډول ترسره کول غواړی  او خارجی میلمانه نه وربولی .

دپاکستان نوی لومړی وزیر عمران خان  به د ولسمشرۍ په ماڼی کښې په ساده مراسمو کښې لوړه وکړی .

دغو مراسمو ته به هیڅ خارجی شخصیت ورونه بلل شی او یوازې د عمران خان څو نږدې ملګری به پکښې ګډون وکړی