د پاکستان حکومت امریکا ته خبرداری ورکړ

تسنیم خبری اژانس وایی د پاکستان د موقته حکومت دبهرنیو چارو وزیر عبدالله حسین هارون امریکا ته خبرداری ورکړ واشنګټن د اسلام اباد په کورنیو چارو کښې د لاسوهنې حق نلری .

هغه وویل اسلام اباد  به  د چین او دپاکستان د اقتصادی کوریډور د زر تر زره د بشپړیدا لپاره خپله ټوله هڅه وکاروی .

عبدالله حسین هارون وویل پاکستان هیڅ هیواد ته په دغه اقتصادی پروژې کښې د  لاسوهنې حق نه ورکوی او هر هغه کار چې د هیواد په ګټه وی ترسره کوی یې .

د پاکستان دموقته حکومت خارجه وزیر عبدالله حسین هارون دغه راز ټینګار وکړ د امریکا حکومت په داسې حال کښې اسلام اباد له ترهګرۍ (Terrorism)په ملاتړ تورنوی چې دترهګرۍ په وړاندې د واشنګټن ستراتیژۍ دوه ګوڼه ده او امریکا د ټروریزم د  سپیرې ښکارندې ملاتړ کوی .

واک ته د ولسمشر ټرمپ له رسیدا راهسې دامریکا او د پاکستان اړیکې کړکیچنې شوی او واشنګټن اسلام اباد له ترهګرۍ په ملاتړ تورنوی .