عمران خان د اګست په ۱۸نیټه لوړه کوی

زمونږخبریال وایی دپاکستان د تحریک انصاف مشر عمران خان به داګست د میاشتې په اتلسمه (۱۸)نیټه په اسلام اباد کښې د لومړی وزیر په توګه لوړه وکړی .

له دې مخکې دغه خبره کیدله چې عمران خان به د اګست دمیاشتې په اګست دیارلسمه (۱۳) یا پینځلسمه(۱۵) نیټه د لومړی وزیر په توګه لوړه وکړی .

د پاکستان ولسمشر ممنون حسین هم د اګست په دیارلسمه نیټه د ملی  پارلمان (National Assembly) غونډه وربللی ده چې نوی ټاکل شوی استازی لوړه وکړی چې ورپسې به  د ملی پارلمان مشر او دهغه مرستیال وټاکل شی .

د پاکستان دلومړی وزیر  د ټاکلو لپاره د ملی پارلمان غونډه به د اګست دمیاشتې په څوارلسمه(۱۴) نیټه د ملی ورځې له چټی وروسته وروبلل شی .

دغه راز دپاکستان ستر ائتلاف هم د عمران خان په مقابل کښې د مسلم لیګ ګوند دنوازشریف څانګې مشر شهباز شریف د لومړی وزارت لپاره کاندید کړی دی .

دپیپلز ګوند مهم مشر خورشید شاه د ملی پارلمان دمشر او دمتحده مجلس عمل یو(۱) مشر مولانا سعد محمود هم د  مرستیال په توګه کاندید کړې شوی دی .

دپاکستان تحریک انصاف د پارلمان په انتخاباتو کښې زیاتې څوکۍ ګتلی دی او په مرکز کښې دحکومت دجوړولو لپاره یې له ایم کیو ایم ، بلوچستان نیشنل ګوند او بلوچستان عوامی ګوند سره ائتلاف کړی دی او دغه راز څو ازادو انتخاب شویو استازیو هم دعمران خان ملاتړ اعلان کړی دی .