د پاکستان لومړې وزیر عمران خان بیا عربستان ته ورځی
دغه راپور زیاتوی چی عمران خان د سعودی باچا ملک سلمان په خصوصی بلنه په دغه اقتصادی کانفرنس کی ګډون کوی
د پاکستان رسندویو د خارجه وزارت د ویندوی له قوله راپور ورکړ چی عمران خان به د اکتوبر په ۲۳ نیټه په سعودی عربستان کی په اقتصادی غونډه کی ګډون وکړی . دغه راپور زیاتوی چی عمران خان د سعودی باچا ملک سلمان په خصوصی بلنه په دغه اقتصادی کانفرنس کی ګډون کوی . نوموړی غونډه به د اکتوبر له ۲۳ تر ۲۵ نیټې پورې په ریاض کی ترسره شی . په دغه غونډه کی د عمران خان د ګډون هدف د پاکستان د پانګونې او اقتصادی صلاحیت ښودل دی . هغه به په دغه سفر کی د عربستان له باچا ملک سلمان سره هم کتنه وکړی .
دا په داسې حال کی دی چی د ترکیې په کونسلیټ کې د جمال خاشقجی له وژلې وروسته په عربستان داخلی او نړیوال دباونه زیات شوی دی او د امریکا ، انګلستان ، فرانسې او نورو اروپایی هیوادونو په شمول د نړۍ سترو شرکتونو په دغه کانفرنس کی له ګډونه ډډه کړی ده او ویل کیږی چی دغه کانفرنس به یو ناکامه کانفرنس وی .
