د پاکستان فوځ د هند جاسوسي ډرون الوتکه نسکوره کړه

د پاکستان فوځ بېګا وويل د کشمير د کنټرول لائن په باغ سيمه کښې يې د هند يوه جاسوسي ډرون الوتکه نسکوره کړې ده.

د ايرنا د رپوټ له مخې د پاکستان د فوځ وياند اصف غفور ادعا وکړه چې دغه ډرون الوتکېد کشمير په کنټرول لائن کښې د پاکستان د حريم خلاف ورزي کړې وه.

د پاکستان خارجه وزارت هم پرون د کشمير په کنټرول لائن کښې د هندي ځواکونو په بې وجې ډزو باندې په اعتراض کښې په اسلام آباد کښې د هند د سفارت شارډز افير احضار کړے ؤ.

د پاکستان خارجه وزارت وويل، د کشمير په کنټرول لائن کښې د هندي ځواکونو په ډزو کښې لس پاکستاني ښاريز مړۀ او ژوبل شول.