د صهونیسټ ښارګوټو په دوام د پاکستان اعتراض
د ملګرو ملتو په امنیت شورا کې د پاکستان استازي په فلسطینیو سیمو کې د صهیونسټ میشته ښارګیو د جوړولو په دوام نیوکه وکړه.
د ایرنا خبري اژانس د راپور له مخې سعد احمد وړایچ په اسلام اباد کې د مینځني ختیځ د حالاتو په هکله په یوه غونډه کې وویل: په فلسطنیو سیمو کې د صهیونسټ میشتو غیر قانوني ښارګیو د جوړولو دوام په سیمه کې د سولې د ټینګولو لوی خنډ دی.
په امنیت شورا کې د پاکستان استازي زیاته کړه: د فلسطین په سیمو کې د صهیونسټ میشته غیر قانوني ښارګیو پراختیا نړیوالو قوانینو او د نړیوالې ټولنې ارادې ته ښکاره بې پامي ده او په سیمه کې د حالاتو د خرابیدو سبب کیږي.
سعد احمد وړایچ د فلسطین د مسالې په تیره بیا د غزې تړانګې د بحران په حلولو او د محاصرې په پای ته رسولو په ټینګار سره وویل: د بیت المقدس په مرکزیت د فلسطن د خپلواکه او ازاد دولت جوړول په مینځني ختیخ کې پایدارې سولې ته د رسیدلو یوازینۍ لاره ده.
صهیونسټ رژیم بیا بیا په فلسطینیو سیمو کې صهیونسټ میشته ښارګي او کالونۍ جوړوي او په دې کار کې د امریکا له بشپړ ملاتړه برخمن دی.
