پاکستان به دعربستان په ائتلاف کښې ګډون ونکړی
-
د سعودي عربستان ولیعهد محمد بن سلمان به په راتلونکي شنبې ورځ پاکستان ته ورشي .
ایرنا خبری اژانس وایی اسلام اباد ته د سعودی عربستان د ولیعهد محمد بن سلمان د سفر په درشل کښې چې د پاکستان دخلکو غصه او نفرت یې راپارولی دی ددغه هیواد دبهرنیو چارو وزیر شاه محمود قریشی نن خبریالانو ته وویل اسلام اباد به د یمن پرضد دعربستان په جنګ کښې ګډون ونکړی .
پاکستان ته د سعودی عربستان د ولیعهد سفر ته دوه(۲) ورځې پاتې کیدا ته په پام سره د سعودی عربستان په مشرۍ د ترهګرۍ پرضد د تش په نامه د ائتلاف یو()۱ پلاوی چې مشرۍ یې د پاکستان دپوځ پخوانی مشر متقاعد جنرال راحیل شریف کوی اسلام اباد ته ورغی .
راحیل شریف او ورسره پلاوی په وروستیو څو ورځو کښې د پاکستان له لومړی وزیر عمران خان ، خارجه وزیر شاه محمود قریشی ، د مشرانو جرګې له مشر صادق سنجرانی او د پوځ له مشر جنرال قمر جاوید باجوا سره کتنې او خبرې وکړې .
د سعودی عربستان ولیعهد محمد بن سلمان به په راتلونکی شنبې ورځ پاکستان ته ورشی او په یکشنبې ورځ به د مالیزیا پلازمینې کوالا لامپور ته ورشی .