پاکستان ته د سعودی عربستان د ولیعهد سفر وځنډید

زمونږ خبریال وایی د پاکستان دبهرنیو چارو وزارت وویل چې اسلام اباد ته د سعودی عربستان د ولیعهد محمد بن سلمان سفر چې نن ترسره کیدونکی وو یوه (۱)ورځ ځنډول شوی او دغه سفر به سبا ترسره شی .

دپاکستان د بهرنیو چارو وزارت د محمد بن سلمان د سفر ځنډیدا علت نه دی بیان کړی .

دغه راز  د سعودی عربستان او د پاکستان د سوداګرانو په راتلونکی کانفرنس کښې ګډون کونکو ته اعلانیه خپره شوی ده چې د ځینو دلایلو په خاطر دغه کانفرنس ځنډول شوی دی .

ددغه کانفرنس د ترسره کیدا  نوی نیټه به زر اعلان شی .

د سعودی عربستان دیکتاتور ولیعهد محمد بن سلمان  به چې لاسونه یې د یمن ، دسوریې د عراق او دنورو ډیرو اسلامی هیوادونو دبې ګناه خلکو په وینو ککړ دی په ۲۰۱۷ میلادی کال کښې دغه مقام ته له رسیدا وروسته سبا پاکستان ته لومړی سفر وکړی .

پاکستان ته د عربستان د ولیعهد دسفر هدف په بیلابیلو برخو کښې له اسلام اباد سره د څو میلیارډه ډالرو د موافقو لاسلیک کول دی .

ویل کیږی چې دسعودی عربستان دټرافیک پولیس چارواکی به په اسلام اباد کښې د محمد بن سلمان د سفر په وخت ماموریت ترسره کړی .