په پاکستان کښې دشیعه مسلمانانو تښتول دوام لری
-
پاکستان کښې څه دپاسه پینځه زره (۵۰۰۰) کسان تښتول شوي چې تراوسه یې برخلیک نه دی معلوم .
ایرنا خبری اژانس وایی د پاکستان د مجلس وحدت مسلمین ډلې رئیس او دشیعه مسلمانانو یوه(۱) مشر علامه راجا ناصر عباس جعفری دهیواد په بیلابیلو سیمو کښې دشیعه ښاریزو په تښتول کیدا اندیښنه څرګنده کړه .
هغه دپاکستان دشیعه تښتول شویو او دبې درکه کسانو د خوشی کیدا په اړه د اسلام اباد د حکومت په چپتیا او بې تفاوتۍ نیوکه وکړه او ویې ویل د شیعه مسلمانانو د تښتول کیدا مسله نه یوازې ختمه شوی نه ده بلکې ددغه هیواد دشیعه مسلمانانو د اندیښنه سبب هم شوی ده .
د پاکستان دمجلس وحدت مسلمین ډلې مشر علامه راجا ناصر عباس جعفری د هیواد په سترې محکمې یعنی سپریم کورټ (supreme court ) غږ وکړ دترهګرو ډلو له لاسونو د تښتول شویو شیعه مسلمانانو د خوشی کیدا لپاره هڅه وکړی .
هغه د هند تر کنټرول لاندې دکشمیر په کړکیچن حالت او د دغه سیمې د مسلمانانو په هکله د هند په یرغلیز کړچار نیوکې سره وویل پاکستان باید د کشمیر دمسلمانانو د مشکلاتو له حل کولو سره دمرستې لپاره بیلابیلو هیوادونو ته ډیپلوماټیک پلاوی واستوی .
د پاکستان د بې درکه شویو کسانو د تحقیقاتو کمیسیون د روان میلادی کال په لومړیو کښې وویل دهیواد په بیلابیلو سیمو کښې څه دپاسه پینځه زره (۵۰۰۰) کسان تښتول شوی چې تراوسه یې برخلیک نه دی معلوم .
راپورونه وایی چې ځینې کسان ترهګرو ډلو او ځینې نور بیا دپاکستان جاسوسۍ ادارو تښتولی دی او کلونه کلونه کیږی چې له جرم ورښودلو پرته په زندانونو کښې دی .