کویټه کښې پرله پسې دوه چاودنې وشوې
Sep 06, 2019 05:06 Asia/Kabul
د پاکستان د بلوچستان صوبې په مرکز کویټه کښې بیګا په شویو دوو چاودنو کښې دولسو کسانو ته مرګ ژوبله اوښتې ده.
د کویټې په خروټ آباد سیمه کښې بیګا د یو ټرانسپورټي شرکت په دفتر کښې پرله پسې دوو چاودنو کښې یو ژغورونکی ځواک مړ او د دوو پولیسو په شمول ۱۱ تنه نور ژوبل شوې دي.
پاکستاني رسنیو خبر ورکړی چې وړومبۍ چاودنه په یاد شرکت کښې د ګیس د سلینډر د ډزیدو له امله رامینځته شوه چې په کښې شپږ تنه زخمي شول. له دغې چاودنې سمدستي وروسته پولیس او مرستندویه ځواکونه سیمې ته ورسیدل خو لا یې کار نه و پیل کړی چې دویمه چاودنه وشوه. په دویمه چاودنه کښې یو مرستندویه ځواک مړ شوی او د پولیسو په شمول یوولس تنه نور زخمي شوې دي.
له چاودنو وروسته پولیسو او ایف، سي ځواکونو سیمه کلابنده کړې او پلټنې یې پيل کړې دي.
ټیګونه
