په ګډه پوله د اوربند په خلاف ورزۍ باندې اعتراض کښې
هندي سفارتکار د پاکستان خارجه وزارت ته وروغوښتل شو
د پاکستان د بهرنیو چارو وزارت په کشمیر کنټرول لاین کښې د هندوستان د سرحدي ځواکونو له خوا د اوربند په خلاف ورزۍ باندې په اعتراض کښې، په اسلام آباد کښې د دغه هیواد د سفارت شاذدافیر وروباله.
د پاکستان د بهرنیو چارو وزارت پرون په یوه خبرپاڼه کښې وویل چې دغې وزارتخانې د ګوراوا اهلووالیا Gorawa Ahluwalia په وربللو سره په کشمیر کنټرول لاین کښې د هندي ځواکونو له خوا د اوربند په خلاف ورزۍ باندې د پاکستان اعتراض ورواوروه چې له امله یې یو ملکي وګړی مړ شوی دی.
د پاکستان د خارجه وزارت د سویلي آسیا د چارو لوې مدیر زاهد حافظ چوهدري د هندي ځواکونو له خوا د ملکي وګړو په نښه کول د نه منلو وړ وبلله او ویې ویل: دا ډول اقدامات د سیمې د صلحې او امنیت لپاره جدي ګواښ دی.
د ویلو ده چې هندوستان او پاکستان تل یو بل په کشمیر کنټرول لاین کښې د اوربند په خلاف ورزۍ تورنوي.
