ایران او پاکستان د ګمرکي اطلاعاتو د مبادلې موافقه لاسلیک کړه
د ا یران او پاکستان د ګمرکي یا کسټم دادارو ترمینځ نزدې ملګرتیا به په پولو کې د بازارچو د فعالولو ، دس رحدي مبادلاتو دپیاوړتیا او دغه راز د قاچاق دسپیرې بلا د مخنیوي سبب شي .
ایرنا خبری اژانس راپورورکړی ، د ګمرکي اطلاعاتو د الیکټرانیکي مبادلو تفاهم نامه پرون مازدیګر د ایران د ګمرک دارتباطاتو اواطلاعاتو د ټينکالوجۍ د دفتر دعمومي مدیرې میرمن هایده باقري پور او د پاکستان د نړیوالو ګمرک د مشر فیاض رسول په لاس په اسلام اباد کې لاسلیک شوه .
په پاکستان کې داسلامی ایران سفیر سید محمد علی حسیني په دغو دستورو کې د دواړو هیوادونو ترمینځ د ګمرکي اطلاعاتو د الیکټرانیکي مبادلې د تفاهم لیک په ډیر مهم بللو سره وئیلی دي ، د ا یران او پاکستان د ګمرکي یا کسټم دادارو ترمینځ نزدې ملګرتیا به په پولو کې د بازارچو د فعالولو ، دس رحدي مبادلاتو دپیاوړتیا او دغه راز د قاچاق دسپیرې بلا د مخنیوي سبب شي .
دایران او پاکستان ترمینځ دکسټم د چارو د ګډې ملګرتیا له تړون سره سره چې د ۲۰۰۴ کال په مارچ کې لاسلیک شوی ، دغه ملګرتیاوې په محدوده سویه روانې دي ، په همدې دلیل اوسنۍ تفاهم نامه ، به د ایران او پاکستان ترمینځ په ګډو سرحدي لارو او پولو کې د ښاریزو د تګ راتګ ، صادراتي او وارداتي شیانو په باب د اطلاعاتود چټکې مبادلې پشمول د دواړو هیوادونو د ګمرکاتو ترمینځ دملګرتیا په چټکولو کې هم اغیزشیندونکي مرستې وکړي .
ایران او پاکستان کابو نهه سوه شپيت کلومیټر ګډې پولې لري .
