پاکستان،دهند او امریکا د پوځي تړونونو لاسلیک کول نه زغمي
په جنوبی آسیا کې د خپل زاړه سیال په توګه د هندوستان په پوځي پروګرامونو د پاکستان اندیښنه په داسې حال کې بیانیږي ، چې دواړه هیوادونه تل دیوه بل له پولو سره نزدې پوځي مانورې ترسره کوي او د غه راز د قدرت ښودلو لپاره دبالیسټک توغندیو په یوه بل پسې آزموینې کوي .
ایرنا خبری آژانس راپورورکړ و دپاکستان د خارجه وزارت ویندوئې میرمن عایشه فاروقي په همداوروستیو کې دهند او امریکا د درې میلیارډ ډالرو په ارزښت د روستي پوځي تړون باندې په غبرګون کې وئيلي دي ، ددغه تړون لاسلیک کول به په سیمې کې د لازیاتې بې ثباتۍ لامل شي .
میرمن فاروقي د هند او امریکا دپوځي اړیکو په پراختیا په تیره بیا نوي ډیلی ته د ډونالډټرمپ د سفر په دوران کې د دواړو هیوادونو په پوځي تړون باندې د سختې اندیښنې په څرګندولو سره وئيلي دي ،اسلام اباد د هندوستان د سیاسی او پوځي چارواکو ګواښونکي څرګندونې جدي ګڼي او په نړیواله سویه ئې خپلې اندیښنې اعلان کړی دي.
د امریکا ولسمشر ډونالډټرمپ دتیرې سه شنبې په ورځې په نوي ډيلي کې له هندي لومړ ي وزیر نریندرا مودي سره دیوې ګډې اعلامیې په خپرولو سره وئیلي وو ، دواړه هیوادونو په هندوستان د آپاچي چورلکو او نورو امریکائي پوځي تجهیزاتو د خرڅولو لپاره د درې میلیارډ ډالرو په ارزښت پوځي تړون لاسلیک کړی دی .
په جنوبی آسیا کې د خپل زاړه سیال په توګه د هندوستان په پوځي پروګرامونو د پاکستان اندیښنه په داسې حال کې بیانیږي ، چې دواړه هیوادونه تل دیوه بل له پولو سره نزدې پوځي مانورې ترسره کوي او د غه راز د قدرت ښودلو لپاره دبالیسټک توغندیو په یوه بل پسې آزموینې کوي .
