پاکستان کښې ټرافیکي پیښې دیرش کسان وژلي
زمونږ خبریال وايي د پاکستان په سیند صوبې کښې له مسافر وړونکي بس سره د یوه (۱) اورګاډي د ټکریدا په پیښه کښې تراوسه دیرش (۳۰) کسان وژل شوي دي .
د پاکستان رسنیو وویل چې دغه پیښه بیګا شپه د سیند صوبې سکهر سیمې ته نږدې رامینځته شوي وه .
اکثره وژل شوي کسان په بس کښې سپاره کسان وو چې د سیند صوبې له مرکز کراچۍ ښار څخه د پنجاب صوبې سرګودها ښار ته روان وو .
ویل کیږي چې د غه اورګاډي له کراچۍ څخه د پاکستان دپنجاب صوبې راولپنډۍ سیمې ته روان و .
د ځینو ژوبلو کسانو جسمي حالت چې ښځې او ماشومان پکښې شامل دي نازک دی او احتمال شته چې د وژل شویو کسانو شمیر زیات شي .
په دغه پیښه کښې بس درې (۳) ټوټې شوی او پیښه دومره زوره وره وه چې بس له اورګاډي کابو دوه سوه (۲۰۰) فټه لیرې توغیدلی دی .
په وژل شویو کسانو کښې پینځه (۵) ښځې او نهه (۹) سړي شامل دي او شپیته (۶۰)کسان ژوبل شوي هم دي .