پاکستان له سبا ایران اوافغانستان سره خپلې ټولې پولې تړي
پاکستان دا قدامات په داسې حال کې کړې دي چې په دغه هیواد کې په کرونا ویروس ککړ کسان تر اته ویشتو تنو پورې اعلان شوي دي .
زمونږخبریال د خبرو سرچینو له قوله راپورراکړ دپاکستان په اسلام اباد کې ددغه هیواد د بهرنیو چارو وزارت پرنو دیوې خبرپاڼې په خپرولو سره وئيلي دي ، دا پریکړه ئې د کرونا ناروغۍ د مخنیوي په موخه سره کړی دی .
په خبر پاڼې کې وئيل شوي دي له یکشنبې ورځې راهسې به له افغانستان او ایران سره ددوي ټولې پولې او لارې تر راتلونکو دوو اونیو پورې تړلې وي.
بلې خوا د پاکستان حکومت پخپل هیواد کې هم ټول خصوصي اوحکومتي ښوونځي، پوهنتونونه او تعلیمي ادارې تر راتلونکو دوو اونیو پورې چټي کړي دي.
پاکستان دا قدامات په داسې حال کې کړې دي چې په دغه هیواد کې په کرونا ویروس ککړ کسان تر اته ویشتو تنو پورې اعلان شوي دي .
په افغانستان کې تر اوسه هم اوه کسان پر دې ناروغۍ اخته شوي، خو په هرات کې لومړی تن چې په دغه ویروس ککړ شوی ؤ پرون له مختصرې درملنې وروسته بیرته ښه شوی دی.
