پاکستان د افغانستان د ټرانزیټي تجارت اجازه ورکړه
Apr 20, 2020 00:49 Asia/Kabul
زمونږ خبریال وايي د پاکستان فیډرال حکومت د بلوچستان صوبې له ګوادر بندر څخه د افغانستان دټرانزیټ تجارت د ترسره کولو اجازه ورکړه .
د پاکستان د تجارت وزارت لخوا په خپرې شوي خبر پاڼه کښې ویل شوي چې د بلوچستان صوبې له ګوادر بندر څخه به د افغانستان د ټرانزیټي تجارت اجازه وي او زیاته شوي ده چې ګوادر بندر ته ورتلونکي تجارتي شیان به افغانستان ته واستول شي .
د پاکستان د تجارت وزارت وویل له ګوادر بندرڅخه دافغانستان بلیک کارګو ته اجازه د دواړو هیوادونو د تجارتي کوټې او د نورو شرکاو په غوښتنه ورکړل شوي ده .
د پاکستان د تجارت سیکرټر احمد نواز سکهیرا وویل په راتلونکو ورځو کښې به په ګوادر بندر کښې په پراخه سویه تجارتي فعالیتونه پیل شي خو د ګوادر بندر په وسیله د افغانستان د ټرانزیټ شیانو په ټرکونو به په کامل ډول بندیز وي .
ټیګونه
