پاکستان د کشمیریانو په ملاتړ ټینګار وکړ
-
د پاکستان خارجه وزیر شاه محمود قریشی
د پاکستان د بهرنیو چارو وزیر د هندوستان د ځپونکو اقداماتو په وړاندې د دغه هیواد ترکنټرول لاندې کشمیر له خلکو د ملاتړ په ضرورت ټینګار وکړ.
د تسنیم خبري آژانس د خبر له مخې شاه محمود قریشي پرون د ملګرو ملتو په امنیت شورا کښې د هند غړیتوب او تر خپل کنټرول لاندې کشمیر د خلکو خلاف له دغه غړیتوبه د نوې ډیلي د اوزاري استفادې په غبرګون کښې وویل: اسلام آباد د کشمیري ښاریزو خلاف په امنیت شورا کښې د هندوستان د اهدافو د عملي کیدو مخه نیسي.
هغه زیاته کړه: هندوستان اووه ځله چې د امنیت شورا غړی پاتې شوی نه دی توانیدلی چې د کشمیر په هکله د ملګرو ملتو دریځ بدل کړي او دا ځل هم په دې سیمه کښې خپلو اهدافو ته نه شي رسیدې.
قریشي څرګنده کړه چې په سیمه کښې د نوې ډیلي سیاستونه د هندوستان د یوازې پاتې کیدو سبب شوې دي ځکه چې پر پاکستان سربیره اوس د چین او نیپال په شان هیوادونه هم د هندوستان په مخالفانو کښې شامل شوې دي.
کلونه وشول چې هندوستان د لکونو پوځیانو په لیږلو سره د کشمیر ځینې سیمې ترخپل کنټرول لاندې راوستې دي او په دریو لسیزو کښې یې لسګونه زره کشمیریان وژلې دي.
