د طالب مشرانو پلاوی پاکستان ته په سفر روان شوی
خبرې سرچینې وائي طالبانو ته د سفر دغه بلنه پخپله د پاکستان دخارجه وزیر شاه محمود قریشي له خوا ورکړل شوې ده .
زمونږخبریال د دنیانیوز خبری سایټ له قوله راپور راکړ د پاکستان د خارجه وزارت ویندوی حفیظ چوهدري دیوې اعلامیې په خپرولو سره وئیلي دي ، د خارجه وزارت په بلنه د طالبانوډلې یو لوړ روتبه پلاوی اسلام اباد ته په سفر ورځي
راپورښئ د طالبانو ډلې دغه پلاوی په قطر کې د طالبانو د مرکچي ټيم د مشر ملا عبدالغني برادر په مشرۍ دغه پلاوی پاکستان ته روان شوی دی او موخه ئې هم د سولې د بهیر د پرمخ بیولو لپاره د پاکستان له لوړ پوړو چارواکو سره خبرې اترې کول دي . خبرې سرچینې وائي طالبانو ته د سفر دغه بلنه پخپله د پاکستان دخارجه وزیر شاه محمود قریشي له خوا ورکړل شوې ده .
داپه داسې حال کې دي چې په قطر کې د طالبانوډلې دسیاسی دفتر ویندوي سهیل شاهین هم پخپل یوه ټولنیز پیغام کې دغه سفر تائيد کړی او وئيلي ئې دي دغه پلاوی دملابرادر په مشرۍ د پاکستان دخارجه وزارت په بلنې اسلام اباد ته روان دی او دا سفر دسولې د بهیر د پرمخ بیولو لپاره د طالبانوډلې د هلوځلو یوه برخه ده .
داپه داسې حال کې دي چې دپاکستان خارجه وزارت په همداوروستیو کې د طالبانو ډلې دمشرانو په شمول په دغه هیواد کې د ترهه ګرو ډلو د مشرانو په ضد بندیزونه سخت کړي او د دوي دشتمنیو او ټرانزیکشن د ضبطولو او تړلو امر ئې کړی دی .
