د ګلګت بلتستان سیمې انتخابات پاې ته ورسیدل
زمونږ خبریال وايي د پاکستان په شمال کښې د ګلګت بلتستان سیمې د پارلمان انتخابات وشول .
د ګلګت بلتستان سیمې د انتخاباتو کمیسیون وویل د پارلمان انتخابات پرون مازیګر پاې ته ورسیدل .
په دغو انتخاباتو کښې د تحریک انصاف ، د پیپلز ګوند ، د مسلم لیګ د نوازشریف څانګې ، مجلس وحدت مسلمین ، د شیعه علماو شورا او د جمعیت علمای پاکستان په شمول د بیلابیلو سیاسي ګوندونو څه د پاسه درې سوه دیرشو (۳۳۰) کاندیدانو د ګلګیت بلتستان سیمې د پارلمان د اتویشتو (۲۸) څوکیو د ترلاسه کولو لپاره له یوبل سره سیالۍ وکړې .
ګلګت بلتستان یوه (۱) شیعه میشته سیمه ده چې په نولس سوه اوه څلویښتم (۱۹۴۷) میلادي کال کښې د پاکستان له خپلواکۍ یو (۱) کال وروسته له دغه هیواد سره یوځای شوه .
نوی خبر وايي چې د پاکستان په ګلګت بلتستان سیمه کښې د انتخاباتو له ترسره کیدا وروسته د رایو د شمیرلو کار روان دی .
په ګلګیت سیمه کښې د پارلمان د درویشتو (۲۳) څوکیو لپاره انتخابات شوي دي او د نهو (۹) حوزو نتیجې اعلان شوي دي چې پکښې درې (۳) څوکۍ پیپلز ګوند ، درې(۳) څوکۍ خپلواکه کاندیدانو ، دوې (۲) څوکۍ تحریک انصاف او یوه (۱) څوکۍ هم مجلس وحدت مسلمین ګټلي ده .
