پاکستانۍ وزیري:
ایران زموږ سیمه ایز ملګری دی
د پاکستان د دفاعي تولیداتو وزیري تهران د اسلام اباد مهم سیمه ایز ملګری په بللو سره ټینګار وکړ چي هیواد یې ایران سره د اړیکو د مضبوطولو اراده لري.
زبیده جلال د ایران او پاکستان تر مینځ د دوهمي رسمي پولي تر پرانیستېدو درې ورځې وروسته په اسلام اباد کې د ایران د اسلامي جمهوریت له سفیر سیدمحمدعلی حسینی سره ولیدل.
دواړو لورو په دې کتنه کې د ګډو پولو او باډرونو د حالاتو او د دواړو هیوادونو تر مینځ د دوه اړخیزو اړیکو په هکله خبري اترې وکړې.
د پاکستان د دفاعي تولیداتو د وزارت په بیانیه کې راغلې: زبیده جلال په ګبد سرحدي سیمه کې د نوی باډر پرانیستېدا ایران سره د پاکستان د اړیکو د مضبوطېدو په لړ کې یو مهم ګام بللی چي په سرحدي سیمو کې د میشتو خلګو په ژوند کې مثبت بدلون رامینځ ته کولای شي.
هغې همدارنګه خبر ورکړې چي په پښین او څلورو نورو سرحدي سیمو کې به هم نوي باډرونه پرانیستل شي.
