د پاکستان په بلوچستان کښې چاودنه شوې

د بلوچستان صوبې په سِبّي سیمه کښې د بم د چاودنې له امله ۵ تنه مړه او ۵ نور ژوبل شوي دي

پاکستاني رسنیو پرون د پولیسو له قوله وویل چې دغه چاودنه له سبي نه ۳۰ کیلومیټره لرې په (تندوري) سیمه کښې رامینځته شوې ده.

د ترلاسه شویو خبرونو له مخې په زخمیانو کښې دوه تنه امنیتي ځواکونه هم شامل دي.

په بلوچستان کښې یو حکومتي چارواکي وویل چې د بم په دغې چاودنې کښې د کارګرانو یو ګاډی په نښه شوی چې له امله یې پنځه کارګران وژل شوي دي.

د خبر تر رارسیدو پورې د چاودنې پړه چا نه وه منلې.