عمران خان دې د ایران خلاف بندیزونو په وړاندې دریځنیونه وکړي
د پاکستان آبزرور ورځپاڼې لیکلي چې وزیراعظم عمران خان ته پکار دي چې د ایران خلاف د امریکې د بندیزونو خلاف پیاوړی دریځ غوره کړي
د پاکستان آبزرور ورځپاڼې لیکلي چې وزیراعظم عمران خان ته پکار دي چې د ایران خلاف د امریکې د بندیزونو خلاف پیاوړی دریځ غوره کړي
دغې انګریزي ژبې ورځپاڼې پرون د صلاح الدین حیدر په قلم (په ایران باندې د بندیزونو د لغو کولو لپاره د دباؤ زیاتیدل او د عمران خان رول) ترعنوان لاندې یو یادداشت کښې زیاته کړه: له افغانستانه د وتلو لپاره د امریکایانو په هڅولو کښې د پاکستان د وزیراعظم رول د ستایلو وړ دی خو هغه باید په ایران باندې د بندیزونو د ختمولو لپاره په واشنګټڼ باندې دباؤ راوړي.
په دغه رپورټ کښې راغلي دي: د افغانستان د صلحې د بهیر له پرمخ بیولو سره د مرستې لپاره د پاکستان رول او په دغه هیواد کښې د بهرنیو ځواکونو د شتون د دوام خلاف پیاوړې دریځنیونه د ستایلو وړ ده او مونږ نن سبا وینو چې امریکا د شلو کالو له تیریدو وروسته اوس د خپلو ځواکونو د ایستلو کوشش کوي.
پاکستان آبزرور په دوام کښې لیکلي دي: لکه څنګه چې عمران خان له افغانستانه د وتلو په لړ کښې د واشنګټن په هڅولو کښې رول ولوبوه اوس باید له امریکې د ایران خلاف د بندیزونو د لغو کولو غوښتنه وکړي او په دې غوښتنه ټینګار وکړي.
د ویلو ده چې عمران خان د ایران خلاف د امریکې د بندیزونو په وړاندې په ځلونو له واشنګټنه غوښتي ددي چې دغه بندیزونه لرې کړي.
