سائنسدانوں کیلئے کرونا وائرس کا 20 لاکھ گنا بڑا مجسمہ

برطانیہ میں ایک انسٹالیشن آرٹسٹ لیوک جیریم نے کرونا وائرس کا ایک ایسا نمونہ بنایا ہے جو حجم میں اصل وائرس سے 20 لاکھ گنا بڑا ہے۔

رپورٹ کے مطابق اس کا مقصد وائرس پر تحقیق کرنے والے سائنسدانوں کی مدد کرنا ہے۔ لیوک جیریم کا کہنا ہے کہ کرونا اور فلو کی کئی علامات ایک جیسی ہیں جس کی وجہ سے بغیر ٹیسٹ کے اس کی تشخیص مشکل ہے اور سائنسدانوں کو کرونا وائرس کا مشاہدہ کرتے ہوئے خوردبین کا استعمال کرنا پڑتا ہے۔
انہوں نے کہا کہ میں نے ایک کوشش کی ہے کہ سائنسدانوں کوخطرناک وائرس پر تحقیق کے دوران آسانی فراہم کر سکوں۔