د یمن پوځ او ولسي کمیټیو خپل پرمختګ ته دوام ورکړی
ایرنا خبري اژانس وايي د یمن پوځ او ولسي کمیټیانې د خپل پرمختګ په دوام کښې وتوانیدلې په البیضا ولایت کښې د الصومعه ولسوالۍ کنټرول په لاس کښې واخلي .
د یمن سرچینو وویل پوځ او ولسي کمیټیو د الصومعه ولسوالۍ مرکز او د هغه زیاتې سیمې په خپل کنټرول کښې وروستلې .
صومعه ولسوالۍ د یمن د استعفا شوي او تښتیدلي ولسمشر عبدربه منصور هادي د پلویانو او دغه راز په البیضا ولایت کښې د القاعده ترهګرې ډلې د غړیو د اخري مرکز په توګه یادیدله .
البیضا ولایت د یمن د پلازمینې صنعا په دوه سوه اته شپیته (۲۶۸) کلومیټرو کښې پروت دی .
بل خبر دا چې د یمن د لوړې سیاسي شورا مشر مهدي المشاط پرون وویل د هیواد سیاسي اراده د کاملا یمني او د یوه (۱) پیاوړي حکومت جوړولو ته اوښتي ده .
هغه وویل په یمن کښې سیاسي اراده شته چې داسې حکومت جوړ شي چې د هیڅ هیواد تر حاکمیت او سرپرستۍ لاندې نه وي .
المشاط په عین حال کښې ټینګار وکړ ډیر مشکلات او خنډونه شته او غواړو چې هغه بیان کړو خو موجوده شرایط د دغو ستونزو د بیانولو اجازه نه ورکوي .
