عربستان:
له ایران سره مذاکرات دوستانه دي
د عربستان د بهرنیو چارو وزیر فیصل بن فرحان بیګا وویل چې له ایران سره خبرې اترې دوستانه دي خو ډیر پرمختګ یې نه دی کړی
د عربستان د بهرنیو چارو وزیر فیصل بن فرحان بیګا وویل چې له ایران سره خبرې اترې دوستانه دي خو ډیر پرمختګ یې نه دی کړی
د عربستان خارجه وزیر دا څرګندونې په روم کښې د ۲۰ ډلې د غونډې ترڅنګ کړې دي.
د شل ډلې دوه ورځنۍ غونډه پرون د ایټالیا په روم ښار کښې پیل شوه.
د نړۍ د شلو غوره اقتصادي قدرتونو مشران پرون د ایټالیا په پلازمینه روم ښار کښې سره راغونډ شول څو د نورو نړیوالو بدلونونو ترڅنګ د دوو ډیرو مهمو کړکیچونو په توګه د آب و هوا د بدلونونو او د کرونا د وبا په هکله د نظرتبادله وکړي او کومه حل لاره ورته ولټوي.
د سعودي عرب خارجه وزیر د لبنان د بدلونونو په غبرګون کښې هم مدعي شو چې هیواد یې د لبنان د نوي حکومت د پاتې کیدو یا ختمیدو په هکله هیڅ نظر نه لري.
بن فرحان هغه دباؤ ته له اشارې پرته چې ریاض په لبنان باندې اچولی دی، ادعا وکړه: له لبنان سره د کړکیچ جرړه، د حزب الله سلطې ته ورګرځي.
