د یمن ملت د عربستان او اماراتو غرور مات کړی دی

المسیره ټیلي ویژن راپور ورکړ د یمن د انصار الله غورځنګ مشر عبدالملک بدرالدین الحوثي ټینګار وکړ د خدای پاک په اجازې سره په دغو کلونو کښې د سعودي عربستان او د متحده عربي اماراتو غرور چې په امریکا او اسرائیلو باندې د دوې د اړوندوالي په وجه و له مینځه یوړه.

هغه پرون د یمن د الحدیده ولایت له شیخانو سره په کتنه کښې وویل تاسو ملت او امت ته خپله وفادارۍ  ثابته کړي ده او په خپل مقاومت او سرشیندونو سره مو دوښمانان ناهیلي کړي دي.

عبدالملک بدرالدین الحوثي وویل د دوښمن د حملو زیات برخه تبلیغاتي او د یمن په خلکو کښې د ویرې او د ناهیلۍ د رامینځته کولو په لړ کښې ده.