د یمن انقلاب د خپلواکۍ په لور د ملت لاره ده
المیادین خبري چینل راپور ورکړ د یمن د لوړې سیاسي شورا مشر مهدي المشاط د هیواد د سپتمبر د میاشتې د یویشتمې نیټې د انقلاب د کلیزې په مناسبت یوې وینا کښې ټینګار وکړ، د یمن د نن ورځې انقلاب د خپلواکۍ په لور د ملت لاره ده.
د یمن پوځ پرون د سپتمبر د میاشتې د یویشتمې نیټې د انقلاب د کلیزې په مناسبت د یو لړ مراسمو په ترسره کولو سره یو ډول نوي لرواټنه بلاسټیک توغندي نندرې ته وړاندې کړل.
د یمن د لوړې سیاسي شورا مشر مهدي المشاط د سپتمبر د میاشتې د یویشتمې نیټې د انقلاب د کلیزې په مناسبت وینا کښې وویل د یمن دغه انقلاب یو پرتمینه او مبارک انقلاب دی چې له ټولنیز او سیاسي نظره زمونږ د خلکو لپاره ځانګړی اهمیت لري.
المشاط وویل زمونږ ملت حق لري د عربستان له اته کاله تیریو وروسته په خپلو بریالیتوبونو افتخار وکړي او زه په ډاډ سره د یمن ملت ته وایم چې زمونږ انقلاب د یمن د ثبات او د خپلواکۍ لپاره په یوه رغنده او ازادي غواړي انقلاب بدل شوی دی.
هغه وویل مونږ د جنګ او د کلابندۍ د ختمیدا او د هغه شي د اصلاح کیدا غوښتونکي یوو چې دښمانانو خراب کړ او اوس د سولې وخت رارسیدلی دی او پردي هیوادونه باید دروغ ونه وايي.
