اسرائیلي هیکرانو د پاکستان اطلاعات غلا کړې دي
د پاکستاني ښاریزو د شخصي معلوماتو په غلا کولو کښې د اسرئیلي هیکرانو د فعالیت په هکله د رپورټونو له خپریدو وروسته، دې خبرې د اسلام آباد حکومت اندیښمن کړی دی.
د پاکستاني ښاریزو د شخصي معلوماتو په غلا کولو کښې د اسرئیلي هیکرانو د فعالیت په هکله د رپورټونو له خپریدو وروسته، دې خبرې د اسلام آباد حکومت اندیښمن کړی دی.
ایرنا د پاکستاني رسنیو په حواله لیکلي چې د پاکستان حکومتي سرچینو تاییده کړې چې د اسرائیلو هیکري شرکتونه د پاکستاني ښاریزو د شخصي معلوماتو په غلا کولو کښې لاس لري او د دې موضوع حساسیت ته په پام سره، له مشکوکو شرکتونو سره د شخصي اطلاعاتو د تبادلې د مخنیوي لپاره د پاکستان ټولو اړونده ارګانونو او مهمو وزارتخانو ته فوري او لازم الاجرا حکم ابلاغ شوی دی.
د راولپنډۍ چاپ «جنګ» ورځپاڼې پرون ولیکل: د پاکستان د ډیرو مهمو او پټو اطلاعاتو په غلا کولو کښې د اسرائیلي او روسي هیکرانو لاس دی او په اسلام آباد کښې حکومتي سرچینو تاییده کړې ده چې دغه هیکران د ځینو مهمو چارواکو اطلاعاتو ته د رسیدو په تکل او کوشش کښې دي.
