۷۵۰ اسرائیلیان تراوسه بې درکه دي
Oct 08, 2023 09:01 Asia/Kabul
د فلسطین الیوم خبري سایټ راپور ورکړی د صهیونیسټ رژیم سرچینو وویل د فلسطین د حماس غورځنګ د الاقصی د طوفان په عملیاتو کښې کابو اوه سوه پنځوس اسرائیلیان بې درکه شوي دي.
د صهیونیسټ رژیم رسنیو نن وویل د الاقصی طوفان په عملیاتو کښې د اسرائیلو کابو سل پوځيان نیول شوي چې ځینې پکښې ملکي وګړي هم شته او نور ټول عسکر او پوځي افسران دي کوم چې اوس په غزې تړانګې کښې ساتل کیږي.
د فلسطین د اسلامي مقاومت غورځنګ حماس د پوځي څانګې شهید عزالدین قسام غونډ ویاند ابو عبیده» نن سهار وویل د اسرائیلو د نیول شویو کسانو شمیر له هغه څه ډیر زیات دی چې لومړی وزیر بنیامین نتانیاهو یې تصور کوي.
ټیګونه