د اسرائيلو ټول سټراټیجک مرکزونه د مقاومت په نښه دي
د لبنان د حزب ا... د اجرايي شورا مرستیال مشر د لبنان خلاف د پراخې جګړې د پیلولو په هکله صهیونیسټي رژيم ته په خبرداري سره، له دغه رژیم سره مقابلې ته د مقاومت د بشپړ چمتووالي خبر ورکړ.
د لبنان د حزب ا... د اجرايي شورا مرستیال مشر د لبنان خلاف د پراخې جګړې د پیلولو په هکله صهیونیسټي رژيم ته په خبرداري سره، له دغه رژیم سره مقابلې ته د مقاومت د بشپړ چمتووالي خبر ورکړ.
د ایرنا د خبر له مخې شیخ «علی دعموش» ټينګار وکړ چې د اسرئیلو نسل وژونکی رژیم د لبنان له حزب ا... سره له پراخې جګړې سخته ویره لري او ښه پوهیږي چې د مقاومت توغندي او ډرونز، کوی شي د نیواکي ټاټوبي په هره سیمه کښې د دغه رژيم ټولو سټراټیجک مرکزونو ته ورسیږي.
دعموش په دې خبرې سره چې د تل ابیب چارواکو د لبنان په جنوب کښې د مقاومت د عملیاتو د بندولو لپاره مینځګړو ته مخه کړې ده ترڅو د نیواکي فلسطین په شمال کښې د خپلو ښارګي میشتو امنیت تامین کړي، زیاته کړه: که دښمن فکر کوي چې په ګواښ سره کوې شي چې مقاومت شاتګ ته اړ کړي نو سخت په غلطه دی ځکه چې د ماتې په موقعیت کښې دی.
هغه همداشان وویل: که دښمن د لبنان خلاف د جنګ د پراختیا حماقت وکړي نو مقاومت به ورته سخت ځواب ورکړي.
د ویلو ده چې پرون د لبنان د اسلامي مقاومت ځواکونو د لبنان جنوبي سرحدونو ته څیرمه د اسرائیلو د پوځ ۸ سنګرونه او نن یې هم په نیواکي ټاټوبي کښې «البغدادي» پوځي اډه په نښه کړه.
د مقاومت د بریدونو له ویرې تراوسه لسګونه زره صهیونیسټان د لبنان د پولو د خواوشا له ښارګوټو تښتیدلي دي.
