د غزې په تړانګه کې ۱۶ فلسطينياني وګړي شهیدان شوي
پارس ټودي - خبري سرچينو د صهيونيستي رژيم د پوځ له خوا د غزې تړانګې په بېلابېلو سيمو باندې د بريدونو او ۱۶ نورو فلسطينيانو د شهادت خبر ورکړی دی.
د چهارشنبې له سهاره تر اوسه د صهيونيستي رژيم د پوځ له خوا د غزې تړانګې پر بېلابېلو سيمو د بريدونو په ترڅ کې ۱۶ فلسطينيان شهيدان شوي، چې ۱۲ يې د غزې تړانګې په مرکزي برخه کې په شهادت رسیدلي.
د صهيونيستي اشغالګرو پوځيانو له خوا د لويديځې غاړې پر بېلابېلو سيمو بريدونه لا هم روان دي.
په وروستي اقدام کې، اشغالګرو د رام الله په شمال لويديځ کې د «عاروره» کلي، د نابلس په جنوب کې د «قريوت» کلي او د لويديځې غاړې نورو سيمو باندې يرغل وکړ او پر فلسطينيانو يې ډزې وکړې.
اشغالګرو پوځيانو د نابلس په جنوب کې د «اللبن» کلي باندې هم يرغل وکړ او خلک يې اړ کړل چې خپلې هټۍ وتړي.
فلسطيني سرچينو د جنين په ختيځ کې د «ديرابوضعيف» کلي څخه د دوو ځوانانو د نيولو او په طولکرم کې د يوه کس د ټپي کېدو خبر ورکړی دی.
