پر جنوبي لبنان د اسرائیل رژیم بې پیلوټه الوتکې برید
Nov 22, 2025 13:54 Asia/Kabul
پارس ټوډی ـ لبناني رسنیو راپور ورکړی چې د صهیونیسټ پوځ یوې بې پیلوټه الوتکې پر جنوب لبنان برید کړی دی.
د «راصد» خبري شبکې ویلي چې یوې اسرائیلي بې پیلوټه الوتکې په «زوطر الشرقیه» کلي کې پر یو موټر دوه توغندي وتوغول.
د دې برید وروسته امبولانسونه سیمې ته واستول شول او لومړني راپورونه د خلکو د ټپي کېدو خبر ورکوي.
اسرائیل د ۲۰۲۴ کال د اکتوبر په لومړۍ نېټه پر لبنان تېری پیل کړ، دوه میاشتې وروسته یې د امریکا په منځګړیتوب د نومبر ۲۷ اوربند لاسلیک کړ، خو دغه رژیم په دوامداره توګه یاد تړون نقض کړی دی.
د اوربند له مخې، اسرائیلي پوځونه باید په ۶۰ ورځو کې له جنوبي لبنان څخه وتلي وای، خو د نړیوالو قوانینو خلاف یې په پنځو ستراتیژیکو نقطو کې خپل پوځيان ساتلي دي.
ټیګونه
