په لویدیځې غاړې د صهیونیسټي رژیم د پوځیانو بریدونه دوام لري
Dec 04, 2025 07:21 Asia/Kabul
پارس ټوډی – فلسطیني سرچینو په لویدیځې غاړې باندې د صهیونیسټي پوځانو د بریدونو د دوام او په نیواکي قدس کښې د یو فلسطیني د نیول کیدو خبر ورکړ.
د صهیونیسټي رژیم پوځیانو د نیواکي قدس د سلوان ښارګي په وادي قدوم سیمه کښې یوه فلسطیني ښځه ونیوله. بل پلو، نیواکګرو په نابلس باندې په یرغل سره، د نابلس د پخوانۍ برخې یوه لاره بنده کړه. همداشان د صهیونیسټي رژیم بولډوزرو، د الخلیل د شمال لویدیځ په بیت اولا ښارګي کښې یوه کارخانه ورانه کړه.
د فلسطین هلال احمر ویلي چې د اردن سیند د لویدیځې غاړې په نابلس ښار کښې په قدس نومي سړک باندې د اسرائیلو د نیواکګرو پوځیانو په برید کښې یو ۵۷ کلن فلسطیني زخمي شوی دی.
ټیګونه
