په لوېدیځه غاړه کې د صهیونیستي ضد عملیات

پارس ټوډی-  خبري سرچینو په لوېدیځه غاړه کې د صهیونیستي ضد عملیاتو او د صهیونیستانو پر لور د ډزو خبر ورکړی دی.

د ایرنا په حواله، د پارس ټوډی د راپور له مخې، د صهیونیستي رژیم ۱۲مې شبکې اعلان کړی چې د لوېدیځې غاړې د رام‌الله په شاوخوا کې د «نوف تسوف» ښارګوټي ته نږدې ډزې شوې او یو صهیونیست سخت ټپي شوی دی.

د دغه راپور له مخې، د دې عملیاتو ترسره کوونکي له خپل موټر څخه عملیات ترسره کړي او تښتېدلی دی.

د صهیونیستي رژیم پوځ ویلي چې خپل ځواکونه یې د پېښې ځای ته استولي دي.

اسرائیل هیوم اعلان کړی چې په دې عملیاتو کې څو صهیونیستان ټپیان شوي دي.

تر اوسه په دې اړه نور جزئیات نه دي خپاره شوي.