په موصل کښې په لسګونو داعشی ترهه ګر هلاک شول
د عراق د موصل ښار په شمالی محور کشې د عراقی ځواکونو په عملیاتو کښې پنخوس داعشی ترهه ګر په هلاکت ورسېدل.
د اېرنا خبری اژانس د رپوټ له مخې د عراق د دفاع وزارت نن په یوه بیانیه کښې و ویل، د عراق د فوځ نهم زغره وال یونټ د موصل ښار په شمالی محور کښې د خپلو پرمختګونو په دوام کښې وکړې شول القوسیات او د دغې سیمې ګېر چاپېره یو شمېر کلی د ترهه ګرو له قبضې ازاد کړی او ترهه ګرو ته درانه سر او مال تاوانونه ورسوی.
په بیانیه کښې راغلی دی چې د عراق د فوځی ځواکونو په عملیاتو کښې له پنځوسو زیات تکفیری داعشیان ووژل شول او شپږ بم اېښودل شوی موټرونه او د بم اېښودو مشینریانې هم د داعش په خلاف د فوځ او ائتلاف د جنګی الوتکو په عملیاتو کښې تباه شوې.
دا په داسې حال کښې دی چې نن د موصل د شمال په تلعفر کښې د ترهه ګرو په اډه باندې د عراقی جنګی الوتکو په حملو کښې د داعش یو مطرح سرغنه په شمول پینځه داعشیان هلاک شول.
همدارنګ یوې امنیتی سرچینې نه وویل د عراق اېف شپاړس الوتکو په المظومین کلی کښې د داعش ترهه ګرې ډلې یوه اډه هدف وګرځوله چې له امله یې د بهرنیو داعشیانو د مسئول سره د څلورو ملګرو ووژل شول.
